ಕಡಿಮೆ ಬೆಲೆಯಲ್ಲಿ ಬಲಿಷ್ಠ ಬಾಳಿಕೆಯ ಫೋನ್ ಬಿಡುಗಡೆ ಮಾಡಿದ ಒಪ್ಪೊ, ಆರ್ಮ್ ಬಾಡಿ ಜೊತೆ ಸ್ಲಿಮ್ ಡಿಸೈನ್

ಒಪ್ಪೊ ಕಂಪನಿಯು ಭಾರತದಲ್ಲಿ ಅಗ್ಗದ ಬೆಲೆಯಲ್ಲಿ ಬಲಿಷ್ಠವಾದ ಸ್ಮಾರ್ಟ್ ಫೋನ್ ಅನ್ನು ಬಿಡುಗಡೆ ಮಾಡಿದೆ. ಕಳೆದವಾರ ಸುಳಿವು ಕೊಟ್ಟಂತೆ ”ಒಪ್ಪೊ K12x 5G” (Oppo K12x 5G) ಸ್ಮಾರ್ಟ್ ಫೋನ್ ಅನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ವಿಶೇಷವೆಂದರೆ ಈ ಸ್ಮಾರ್ಟ್ ಮಿಲಿಟರಿ ಗ್ರೇಡ್ MIL-STD-810H ಸ್ಟಟಿಫಿಕೇಶನ್ ಪಡೆದಿದ್ದು ಬಜೆಟ್ ಬೆಲೆಯಲ್ಲಿ ಈ ಸರ್ಟಿಫಿಕೇಶನ್ ನೊಂದಿಗೆ ಬಿಡುಗಡೆಯಾಗುತ್ತಿರುವ ಮೊದಲ ಫೋನ್ ಎಂದು ಗುರುತಿಸಿಕೊಂಡಿದೆ. ಅಲ್ಲದೆ ಈ ಸ್ಮಾರ್ಟ್ ಫೋನ್ 360 ಡಿಗ್ರಿ ಡ್ಯಾಮೇಜ್ ಪ್ರೂಫ್ ಆರ್ಮ್ ಬಾಡಿಯನ್ನು ಹೊಂದಿದೆ. ಈ ಸ್ಮಾರ್ಟ್ ಫೋನಿನಲ್ಲಿರುವ ಮತ್ತೊಂದು ವಿಶೇಷತೆಯೆಂದರೆ ಇದು ಕೇವಲ 7.68 mm ಥಿಕ್ನೆಸ್ ಅನ್ನು ಹೊಂದಿದೆ.

ಒಪ್ಪೊ K12x 5G ಫೀಚರ್, ಸ್ಪೆಸಿಫಿಕೇಶನ್ಸ್ 

ಈ ಸ್ಮಾರ್ಟ್ ಫೋನ್ 6.67 ಇಂಚಿನ HD+ LCD ಡಿಸ್ ಪ್ಲೇಯನ್ನು ಹೊಂದಿದ್ದು 120Hz ರಿಫ್ರೆಶ್ ರೇಟ್ ಅನ್ನು ಸಪೋರ್ಟ್ ಮಾಡುತ್ತದೆ. ಈ ಹ್ಯಾಂಡ್ ಸೆಟ್ 1000 nits ಗರಿಷ್ಠ ಬ್ರೈಟ್ನೆಸ್ ಜೊತೆಗೆ ಡ್ಯುಯಲ್ ರೈನ್ ಫೋರ್ಸ್ಡ್  ಪಾಂಡಾ ಗ್ಲಾಸ್ ಪ್ರೊಟೆಕ್ಷನ್ ನೊಂದಿಗೆ ಬರುತ್ತದೆ. ಇದು ಸ್ಪ್ಲಾಸ್ ಟಚ್ ತಂತ್ರಜ್ಞಾನವನ್ನು ಸಪೋರ್ಟ್ ಮಾಡುತ್ತೆ ಅಂದರೆ ಇದು ಬಳಕೆದಾರರು ಒದ್ದೆಯಾದ ಕೈಗಳಿಂದಲೂ ಫೋನ್ ಅನ್ನು ಆಪರೇಟ್ ಮಾಡಬಹುದು.

ಈ ಹ್ಯಾಂಡ್ ಸೆಟ್ ಕ್ವಾಲ್ಕಮ್ ನ 6nm ಪ್ರೊಸೆಸ್ ಆಧಾರಿತ ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಚಿಪ್ಸೆಟ್ ಮತ್ತು ARM Mali G57 MC2 GPU ಜೊತೆಗೆ ಬರುತ್ತದೆ. ಇದು ದೈನಂದಿನ ಕಾರ್ಯಗಳಿಗೆ ವಿಶ್ವಾಸಾರ್ಹ ಕಾರ್ಯಕ್ಷಮತೆಯನ್ನು ಖಚಿತಪಡಿಸುತ್ತದೆ. ಈ ಹ್ಯಾಂಡ್ ಸೆಟ್ ಆಂಡ್ರಾಯ್ಡ್ 14 ಆಧಾರಿತ Color OS 14 ಮೂಲಕ ಕಾರ್ಯನಿರ್ವಹಿಸಲಿದೆ. ಇದು LPDDR4X RAM ಮತ್ತು UFS 2.2 ಸ್ಟೋರೇಜ್ ತಂತ್ರಜ್ಞಾವನ್ನು ಬಳಸುತ್ತದೆ. ಬಳಕೆದಾರರು ಸ್ಟೋರೇಜ್ ಅಗತ್ಯವಿದ್ದಾಗ ಮೈಕ್ರೋ ಎಸ್ಡಿ ಕಾರ್ಡ್ ಮೂಲಕ ವಿಸ್ತರಿಸಿಕೊಳ್ಳಬಹುದು.

ಇದನ್ನು ಓದಿ: ಶಿಯೋಮಿ 14 ಸಿವಿ ಲಿಮಿಟೆಡ್ ಎಡಿಷನ್ ಭಾರತದಲ್ಲಿ ಬಿಡುಗಡೆ, ಈ ಕಾರ್ಡ್ ಮೇಲೆ 3000 ಡಿಸ್ಕೌಂಟ್

ಕ್ಯಾಮೆರಾ ವಿಷಯದಲ್ಲಿ ಡ್ಯುಯಲ್ ರಿಯರ್ ಕ್ಯಾಮೆರಾವನ್ನು ಹೊಂದಿದ್ದು 32MP ಪ್ರಧಾನ ಕ್ಯಾಮೆರಾ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ ನೊಂದಿಗೆ ಬರುತ್ತದೆ. ಇದರೆ ಜೊತೆಗೆ 2MP ಪ್ರೋರ್ಟ್ರೇಟ್ ಲೆನ್ಸ್ ಪಡೆದಿದೆ. ಮುಂಭಾಗದಲ್ಲಿ 8MP ಸೆಲ್ಫಿ ಕ್ಯಾಮೆರಾವನ್ನು ಪಡೆದುಕೊಂಡಿದೆ.

ಈ ಹ್ಯಾಂಡ್ ಸೆಟ್ 5,100mAh ಬ್ಯಾಟರಿಯ ಜೊತೆಗೆ 45W SuperVOOC ಚಾರ್ಜಿಂಗ್ ಬೆಂಬಲಸಿತ್ತದೆ. ಇದು 5G, 4G, ವೈಫೈ 7 ಮತ್ತು ವೈರ್ಲೆಸ್ ಕನೆಕ್ಟಿವಿಟಿಗಾಗಿ ಬ್ಲೂಟೂತ್ 5.1, ನ್ಯಾವಿಗೇಷನ್ ಗಾಗಿ GPS ಸೇರಿದಂತೆ ಸಮಗ್ರ ಸಂಪರ್ಕದ ಆಯ್ಕೆಗಳನ್ನು ಒದಗಿಸುತ್ತದೆ. ಡೇಟಾ ವರ್ಗಾವಣೆ ಮತ್ತು ಚಾರ್ಜಿಂಗ್ ಗಾಗಿ USB Type-C ಪೋರ್ಟ್ ನೊಂದಿಗೆ ಬರುತ್ತದೆ. ಇದು MIL-STD-810H ಸರ್ಟಿಫಿಕೇಶನ್ ಮತ್ತು IP54 ರೇಟಿಂಗ್ ನೊಂದಿಗೆ ಬರುತ್ತದೆ

ಒಪ್ಪೊ K12x 5G ಬೆಲೆ

6GB/128GB ರೂಪಾಂತರವು ರೂ. 12,999 ಬೆಲೆಯನ್ನು ಹೊಂದಿದೆ. 8GB/256GB ವೇರಿಯೆಂಟ್ 15,999 ಬೆಲೆಯಲ್ಲಿ ಲಭ್ಯವಿದೆ. ಈ ಸ್ಮಾರ್ಟ್ ಫೋನ್ ಬ್ರೀಜ್ ಬ್ಲೂ ಮತ್ತು ಮಿಡ್ನೈಟ್ ವೈಲೆಟ್ ಎಂಬ ಎರಡು ಬಣ್ಣಗಳ ಆಯ್ಕೆಯೊಂದಿಗೆ ಬರುತ್ತದೆ.

ಈ ಸ್ಮಾರ್ಟ್ ಫೋನ್ ಆಗಸ್ಟ್ 2 ರಿಂದ ಫ್ಲಿಪ್ ಕಾರ್ಟ್ ಮತ್ತು ಒಪ್ಪೊ ಇಂಡಿಯಾ ವೆಬ್ಸೈಟ್ ನಲ್ಲಿ ಖರೀದಿಗೆ ದೊರೆಯಲಿದೆ. ಲಾಂಚ್ ಆಫರ್ ಭಾಗವಾಗಿ ರೂ.1000 ಡಿಸ್ಕೌಂಟ್ ಸಹ ಲಭಿಸಲಿದೆ.

ಇದನ್ನು ಓದಿ: ರೆಡ್ಮಿ ಪ್ಯಾಡ್ ಪ್ರೊ 5G ಟ್ಯಾಬ್ ಮಾರುಕಟ್ಟೆಗೆ ಬಿಡುಗಡೆ, ರೂ. 21,999 ಬೆಲೆಯೊಂದಿಗೆ ಆರಂಭ